ઉંદરો ની ઉજાણી ….

એક હતી બિલાડી જાડીપાડી એ તો ચાલી

આવતી જોઈ એને બધા ઉંદરો ની ઘાણી 

 

 દર માં જઈ છુપાણા બધા ઉંદર ભાગી ભાગી

રહી ગયું ને બારું એની પડી ગઈ વારી

 

 એક દિવસ ઉંદરોએ કરી મોટી ઉજાણી

એટલા માં તો આવી જાડી પાડી એ બિલાડી

 

ભાગા ભાગી થઇ ગઈ ધૂળ માં મળી ગઈ ઉજાણી

શું કરવું ? વિચારે આતો રોજ ની ટેવાણી

 

પછી બધા ભેગા મળી કરે વિચાર વાણી

આખરે મળ્યો ઉપાય એને કેમ કરી ફસાવી

 

લીધી એક મોટી જાળી એને નીચે બિછાવી

આવી જેવી બિલાડી એતો એમાં ભરાણી

 

ખેચે બધા ઉંદર ભેગા મળી આ જાળી 

જાળી સાથે ખેચાય જાડી પાડી  એ બિલાડી

 

માંડ માંડ કરી એને દુર પહોચાડી

લઇ જઈ  દુર પછે એને ઊંડે ખાણ માં ઉતારી

 

ત્યાર પછી કોઈ દિવસ નથી દેખાણી એ બિલાડી 

રોજ કરે છે ઉંદરો હવે મળી ને ઉજાણી