મારા શહેર ને શું થઇ જાય છે ???

કોણ જાણે ક્યારેક મારા શહેર ને શું થઇ જાય છે
શાંત સુંદર ક્યારેક કેવું ભડકે બળી જાય છે…કોણ જાણે
મસ મોટા રસ્તા સાંકડા ગલીયારા થઇ જાય છે
દસ મિનીટ નો રસ્તો કાપતા કલાક વીતી જાય છે…કોણ જાણે
ગમે તેવી આફત માં એક થઇ લડી જાય છે
ને નાની નાની બાબત માં સામસામે થાય છે…કોણ જાણે
ગમે તેવું કામ ક્યારેક ચપટી માં થઇ જાય છે
ને કયારેક રાઈ નો પહાડ કરી ધક્કે ચડી જાય છે…કોણ જાણે
રથયાત્રા  કે તાજીયા અહી શાન  થી ઉજવાય છે
ને ક્યારેક ક્રિકેટ બોલ માટે મારમાર થઇ જાય છે…કોણ જાણે
ક્યારેક સારા કામ માટે જગ પ્રસીધ્દ્ધ થાય છે
ને ક્યારેક એ ખુદ એના નામ માં અટવાય છે…કોણ જાણે
કોણ જાણે ક્યારેક મારા શહેર ને શું થઇ જાય છે
શાંત સુંદર ક્યારેક કેવું ભડકે બળી જાય છે…કોણ જાણે